काठमाडौं । नेकपा (एमाले)का वरिष्ठ नेता तथा पूर्वप्रधानमन्त्री माधवकुमार नेपालले सिन्धुपाल्चोकका बाढीपीडितका लागि राहत सामग्री हस्तान्तरण गरेका छन् ।
एमालेको भातृसंगठन युवा संघको व्यवस्थापनमा संकलित राहत सामग्री नेपालले काठमाडौंमा आइतबार आयोजित कार्यक्रममा हस्तान्तरण गरेका हुन् ।
राहत वितरणका लागि संघका सचिव लक्ष्मण घिमिरेको नेतृत्वमा स्थायी कमिटी गणेश रिजाल, राम यादव, अनिल भण्डारी, रामकुमार भट्टराई, हरि साहलगायतका नेता तथा कार्यकर्ता सिन्धुपाल्चोक प्रस्थान गरेका छन् ।
राहत सामग्रीमा चामल दुई सय पाँच बोरा, चिउरा २० बोरा, चाउचाउ ४० कार्टुन, दालमोट ७० केजी, बिस्कुट पाँच कार्टुन, तेल १५ कार्टुन, मास्क दुई हजार पिस रहेको छ ।
