काठमाडौं । आजबाट थप एक साता लम्बिएको निषेधाज्ञा पछिल्लो समयकोभन्दा केही खुकुलो बनाइएको छ । निषेधाज्ञा खुकुलो भएसँगै उपत्यकामा मानिसहरुको चहलपहल बढेको छ । आजबाट तरकारी तथा खाद्यान्न पसल बिहान ११ बजेसम्म खोल्न पाइने र स्टेशनरीहरु तथा पुस्तक पसलहरु बिहान ११ बजेसम्म खुल्नेछन् ।
त्यस्तै अपरान्ह ४ बजेपछि हार्डवेयर पसल खोल्न पाईनेछ । होटल, रेष्टुराँहरुलाई भने टेकअवे सेवा मात्रै सन्चालन गर्न अनुमति दिइएको छ । कोरोना नियन्त्रणका लागि काठमाडौं उपत्यकामा वैशाख १६ गतेदेखि निषेधाज्ञा जारी गरिएको थियो । हाल ७५ जिल्लामा निषेधाज्ञा कायम छ ।
काठमाडौं उपत्यकाकासहित १७ वटा जिल्लामा जारी निषेधाज्ञा असार ७ गतेसम्म थप गरिएको छ । कोरोनाको भाईरसको नयाँ संक्रमित दरमा केही सुधार (घट्दै) भएकाले निषेधाज्ञा खुकुलो बनाउने निर्णय उपत्यकाका तीनवटै जिल्लाका प्रमुख जिल्ला अधिकारीहरुको संयुक्त बैठकद्वारा गरेको थियो ।
