एजेन्सी । सलमान खान स्टारर प्रतिक्षित फिल्म ‘टाइगर ३’ चाँडै रिलिज हुँदैछ । फिल्ममा शाहरुख खानको पनि क्यामियो रहेको छ । यसैबीच, सामाजिक सञ्जालमा फिल्मको सेटबाट एउटा भिडियो लीक भएको छ, जसमा सलमानसँगै शाहरुख खान पनि सेटमा देखिएका छन् । भिडियो सार्वजनिक हुनेबित्तिकै फ्यानहरू खुसीले उफ्रिएका छन् ।
यस भिडियोमा सलमान ब्राउन टी–सर्ट–डेनिम जीन्समा देखिएका छन् । यसै क्रममा शाहरुख खान पनि उनको पठान लुकमा पछाडी प्रवेश गर्छन् । रिपोर्टहरू विश्वास गर्ने हो भने, दुवै खान एक एक्सन दृश्य शूट गर्न मुम्बईको मध आइल्याण्ड पुगेका छन् ।
सलमान खानको यो बहुप्रतिक्षित फिल्म १० नोभेम्बर २०२३ मा दीपावलीको अवसरमा रिलिज हुँदैछ । फिल्ममा सलमानका अलावा कट्रिना कैफ र इमरान हाश्मी पनि मुख्य भूमिकामा देखिनेछन् । मिडिया रिपोर्टलाई विश्वास गर्ने हो भने फिल्मको कुल बजेट २२५ करोड हुने छ ।
