काठमाडौँ । प्रतिनिधिसभाको बैठक आज विहान ११ बजे बस्दैछ । आगामी आर्थिक वर्ष २०८०/८१ पको राजस्व र व्ययमाथिको सामान्य छलफल आज पनि जारी रहनेछ भने त्यसपछि अर्थमन्त्री डा प्रकाशशरण महतले त्यसमाथि उठेका प्रश्नको जवाफ दिनुहुने सम्भावित कार्यसूची छ ।
त्यसैगरी अर्थमन्त्री डा महतले विनियोजन विधेयक २०८० प्रस्तुत गर्नुहुनेछ भने राष्ट्र ऋण उठाउने विधेयक २०८० लाई प्रस्तुत गर्न अनुमति माग्ने प्रस्तावमाथि सांसद प्रेम सुवालले राख्नुभएको विरोधको सूचनालाई निर्णयार्थ प्रस्तुत गरिनेछ । साथै अर्थमन्त्री डा महतले राष्ट्र ऋण उठाने विधेयक २०८० प्रस्तुत गर्नुहुनेछ ।
