काठमाडौं । एसीसी महिला टी–२० इमर्जिङ टिम्स एशिया कपमा नेपाल पाकिस्तान ‘ए’सँग ९ रनले पराजित भएको छ ।
जितका लागि ८८ रनको लक्ष्य पछ्याएको नेपाल निर्धारित २० ओभरमा ६ विकेट गुमाउँदै ७८ रन बनायो ।
नेपालका लागि कविता कुँवरले सर्वाधिक २० रन बनाईन भने कविता जोशीले १५ रन बनाएर नटआउट रहिन् । नेपालका अन्य कुनै ब्याटरले दोहोरो अंकमा रन जोड्न सकेनन् ।
त्यसअघि हङकङमा टस हारेर पहिला ब्याटिङको निम्तो पाएको पाकिस्तान ए ले १९.२ ओभरमा ८७ रनमा अल आउट भयो ।
नेपालका लागि इन्दु बर्माले सर्वाधिक ३ विकेट लिएकी थिइन् । यस्तै कविता कुँवर, कविता जोशी र सीता रानामगरले २(२ विकेट लिए ।
इमर्जिङ टिम्स एसिया कपमा नेपाली महिला टोलीको यो पहिलो सहभागिता हो । प्रतियोगितामा समूह ए मा नेपालसहित हङकङ, भारत र पाकिस्तानका रहेका छन् ।
