काठमाडौँ । उद्घाटन भएको साढे ५ महिनापछि पोखरा अन्तर्राष्ट्रिय विमानस्थलमा चीनको सिचुआन एयरलाइन्सले उडान गर्ने भएको छ । यसका लागि सम्झौता भएको नेपाल नागरिक उड्डयन प्राधिकरणले जानकारी दिएको छ ।
सम्झौताअनुसार सिचुआन एयरलाइन्सले जुन २१ मा चार्टर्ड उडानका लागि अनुमति प्राप्त गरेको छ । उक्त एयरलाइन्सले चीनको चेन्दुदेखि पोखरामा उडान गर्न लागेको हो । क्यानले नियमित उडानका लागि एयरलाइन्ससँग छलफल भइरहेको जानकारी दिएको छ ।
