काठमाडौं । काठमाडौं उपत्यकामा कोरोना भाइरसको संक्रमण नियन्त्रणका लागि वैशाख १६ गतेदेखि निषेधाज्ञा जारी गर्ने निर्णय भएको थियो। उपत्यकाका तीन वटै प्रमुख जिल्ला अधिकारीहरूबीच बसेको बैठकले संक्रमण नियन्त्रणका लागि निषेधाज्ञा लगाउने निर्णय भएको थियो ।
काठमाडौं उपत्यकामा जारी निषेधाज्ञाको मोडालिटी परिवर्तन भएको छ । मंगलबार बसेको उपत्यकाका सिडियोहरुको बैठकले विगत एक महिनादेखि जारी निषेधाज्ञाको मोडालिटी परिवर्तन गरेका हुन् ।
अब खाद्यान्न, किराना पसल, डिपार्टमेन्ट स्टोर, अनलाइन डेलीभरी, किताब पसल बिहान १० बजेसम्म खुल्न दिने र उद्योग, निर्माण कार्य सुरक्षित ढंगले काम गर्न पाइने, ढुवानी सामग्री राति ९ बजेदेखि बिहान ४ बजेसम्म सञ्चालन गर्न पाउने गरी मोडालिटी तयार गरेको हो।
अब स्वास्थ्य मापदण्ड पूरा गरेर बिहान १० बजेसम्म वर्कशप सञ्चालन गर्न पाइने छ । उद्योगले कामदारको आवासीय व्यवस्था मिलाएर काम गर्न सक्नेछन् । आवासीय प्रबन्ध मिलाएमा सञ्चालनका लागि प्रशासनले सहजिकरण गर्ने भएको छ ।
