काठमाडौं । सहिद स्मारक 'ए' डिभिजन लिग फुटबल अन्तर्गत आज (शनिबार) तीन खेलहरु हुँदैछन् ।
लिगको दशौँ चरण अन्तर्गत जसमध्ये दुई खेल दशरथ रंगशाला र एक खेल एन्फा कप्लेक्समा हुन लागेको हो ।
त्रिपुरेश्वरस्थित दशरथ रंगशालामा हुने पहिलो खेलमा मछिन्द्र फुटबल क्लब र च्यासल युथ क्लब आमनेसामने हुँदैछन् । सो खेल दिउँसो १ बजे सुरु हुनेछ ।
२३ अंकसहित तालिकाको शीर्ष स्थानमा रहेको मछिन्द्र आज च्यासललाई हराएर अंकतालिकामा अग्रता थप फराकिलो बनाउन चाहन्छ ।
यता, ९ खेलमा ५ अंक जोडेर पुछारमा रहेको च्यासललाई भने रेलिगेसनबाट बच्न यो खेल महत्वपूर्ण रहेको छ ।
यस्तै, सातदोबाटोस्थित एन्फा कप्लेक्समा नेपाल पुलिस क्लब र सातदोबाटो युथ क्लबबीच प्रतिस्पर्धा हुनेछ । सो खेल १ बजे सुरु हुनेछ ।
पुलिस १० अंकसहित दशौँ स्थानमा रहेको छ भने सातदोबाटो १२ अंकसहित सातौं स्थानमा रहेको छ ।
यसैगरी, दशरथ रंगशालामा हुने दोस्रो खेलमा मनाङ मर्स्याङ्दी क्लब र थ्री स्टार क्लबबीच प्रतिस्पर्धा हुँदैछ । सो खेल ४ः४५ बजे सुरु हुनेछ ।
९ खेलबाट १९ अंकसहित दोस्रो स्थानमा रहेको मनाङ उपाधि होड कायम राख्न थ्री स्टारविरुद्ध जितको खोजीमा हुनेछ ।
यस्तै, १६ अंकसहित अंकतालिकाको चौंथो स्थानमा रहेको थ्री स्टार पनि मनाङविरुद्ध जितको खोजीमा रहेर तेस्रो स्थानमा उक्लन चाहन्छ ।
यस्तो छ अंकतालिकाः
