विराटनगर । कोशी प्रदेशका मुख्यमन्त्री हिक्मतकुमार कार्कीले सर्वपक्षीय सरकार बनाउन प्रस्ताव गर्नुभएको छ ।
विश्वासको मत लिने आफ्नो प्रस्तावमाथि बिहीबार प्रदेशसभामा भएको छलफलमा उठेका प्रश्नहरुको जवाफ दिँदै उहाँले आफू अहिले पनि सर्वपक्षीय सरकार बनाउने प्रयासमा रहेको बताउनुभयो ।
आफ्नो प्रयासले सार्थकता पायो कि पाएन भन्ने परिणामले देखाउने उहाँको भनाइ थियो । बिहीबार पनि आफूले आफ्नो पार्टीसँगै अरु पार्टीको नेतृत्वसँग परामर्श गरेको उल्लेख गर्दै भन्नुभयो, “अहिले पनि म सर्वपक्षीय सरकार गठनको पक्षमा छु ।”
मुख्यमन्त्री कार्कीले सर्वपक्षीय सरकार बनाउँदा कम अवसर आफ्नै दलले पाउने भएपनि त्यसका लागि तयार रहेको बताउनुभयो ।
यद्यपि सबै मिलेर ढोका थुनेर कुट्ने हो भने निकास ननिस्कने उहाँले चेतावनी दिनुभयो । उहाँले भन्नुभयो, “कुनै पनि गठबन्धन एकले अर्कालाई बाइपास गरेर, त्यो पनि सबभन्दा ठूलो दललाई बाइपास गरेर चल्ने र टिक्ने वाला छैन ।
