एजेन्सी । बलिउड अभिनेता आशिष विद्यार्थीले केही महिनाअघि रुपाली बरुवासँग विवाह गरेका थिए । विवाहपछि यी जोडी हनिमुनका लागि सिंगापुर गएका थिए । यसैबीच फेरि दुवैजना बालीमा सँगै घुमिरहेका छन् ।
यो जोडीले सोमबार बालीमा बिदा मनाएको तस्विरहरु सेयर गरेका छन् । सेयर गरिएको तस्विरमा जोडी बालीको हरियाली र त्यहाँको प्रकृतिको आनन्द लिइरहेको देख्न सकिन्छ ।
रुपाली र आशिषले आफ्नो इन्स्टाग्राममा फ्यानसँग यो तस्विर सेयर गर्दै लेखेका छन्– ‘एकजुटताको महिमा ।’ शेयर गरिएको तस्विरमा रुपाली बोहेमियन ड्रेसमा देखिएकी छिन् भने अभिनेता प्रिन्टेड शर्टमा क्याजुअल लुकमा देखिएका छन् ।
आशिषले १९ जुनमा आफ्नो ५८ औं जन्मदिन मनाएका तिए । यसै अवसरमा उनले आफ्नी श्रीमती रुपाली बरुवासँग छुट्टी मनाउँदै गरेको तस्बिर सामाजिक सञ्जालमा पोस्ट गरेका छन् । यो तस्बिरमा आशिष आफ्नी श्रीमती रुपालीसँग टुरिस्ट बसमा बसेका छन् । दुवै क्यामेरा हेरेर मुस्कुराउँदै थिए ।
आशिषको यो पोस्टमा उनलाई ५७ वर्षको उमेरमा दोस्रो पटक विवाह गरेको भन्दै मानिसहरुले ट्रोल गरिरहेका छन् ।
दिग्गज अभिनेता आशिष विद्यार्थीले मे २५ मा आत्मीय समारोहमा दोस्रो विवाह गरेका थिए । उनले आसामको राजधानी गुवाहाटीमा बस्ने फेसन डिजाइनर र व्यवसायी रुपाली बरुआसँग विवाह गरेका हुन् । अभिनेत्री शकुन्तला बरुवाकी छोरी राजोशी बरुवा आशिष विद्यार्थीकी पहिलो श्रीमती हुन् ।
आशिषले आफ्ना साथीभाइ र परिवारको उपस्थितिमा रुपालीसँग अदालतमा विवाह गरेका हुन् ।
