काठमाडौं । नेकपा (एमाले)को केन्द्रीय प्रचार विभागमा ११ जना सदस्य मनोनीत भएका छन् । शनिबार केन्द्रीय सचिवालयको बैठकले प्रचार विभाग र संसदीय विभागमा गरी ११ सदस्य मनोनयन गरेको हो ।
सचिवालयले पृथ्वीसुब्बा गुरुङलाई संसदीय विभागको प्रमुखको जिम्मेवारी दिएको छ भने प्रचार विभाग प्रमुखमा राजेन्द्र गौतम रहेका छन् । यद्यपी मनोनीत सदस्यहरूको विवरण भने सार्वजनिक गरिएको छैन ।
प्रचार विभाग सदस्यमा डा. महेन्द्र विष्ट, प्रेस चौतारीका उपाध्यक्ष गणेश पाण्डे, राजेश राई, लीलालराज भट्टराई रहेका बताईएको छ।
त्यस्तै, एलबी शेख, रामकृष्ण ज्ञवाली, शेरबहादुर केसी, दीपक ज्ञवाली, सूर्यमणि गौतम, हेमन्त पौडेल र अक्षरी पोखरेल विभाग सदस्यमा मनोनीत भएका जनाईएको छ। यस्तै, गगन विष्ट सचिवमा छन् ।
