एजेन्सी । बलिउड अभिनेत्री सारा अली खानले हालै मुम्बईको लोटस डेभलपर्स ग्रुपको लोटस सिग्नेचर भवनमा नयाँ अफिस स्पेस किनेकी छन् । आनन्द पण्डित लोटस ग्रुपका मालिक हुन् ।
लोटस सिग्नेचर बिल्डिंगमा अपार्टमेन्टको लागत १ करोड देखि १.४६ करोड सम्म हुन सक्छ । यस मूल्यमा रजिस्ट्री शुल्कहरू समावेश गरिएको छैन ।
यो भवन हाल निर्माणाधीन छ । रिपोर्टका अनुसार डिसेम्बर २०२५ सम्ममा भवन जनतालाई हस्तान्तरण गरिने छ । यो खबरलाई लिएर साराका फ्यानहरुले सामाजिक सञ्जालमा लगातार बधाई दिइरहेका छन् ।
एक प्रयोगकर्ताले व्यंग्य गर्दै लेखेका छन्, ‘इन्टरनेशनल रोमिङ प्याकको रिचार्ज बन्द गरेर बचत गरेको पैसाले यस भवनमा अपार्टमेन्ट किन्न सक्नुहुन्छ ।’ वास्तवमा यसअघि साराको एउटा भिडियो भाइरल भएको थियो ।
यस भिडियोमा साराले आइफा अवार्ड समारोहमा सहभागी हुन अबुधाबी गएको बेला ४०० रुपैयाँ लाग्ने भएकाले अन्तर्राष्ट्रिय रोमिङ रिचार्ज नगरेको बताएकी थिइन् ।
