काठमाडौं । भारतमा पछिल्लो सातामा कोरोनाभाइरसको नयाँ संक्रमित संख्या घट्दै गएको छ । पछिल्ला सात दिनमा संक्रमितको संख्या भारतमा अघिल्लो साताभन्दा घटेको छ। मे ८ देखि १४ सम्ममा भारतमा परीक्षण गरिएकामध्ये १९.५ प्रतिशतलाई कोरोना देखिएको थियो तर त्योभन्दा अघिल्लो साता संक्रमण दर २२.४ प्रतिशत थियो।
भारतभरि मे ८ मा ३ लाख ९१ हजार नयाँ कोरोना संक्रमित थपिएका थिए भने शनिबार ३ लाख ५४ हजारमा मात्रै कोरोना देखा परेको थियो। पछिल्लो यस डाटालाई हेर्दा भारतमा अबभने केहि स्थिर हुन लागेको हो कि भन्ने देखिन्छ तर पनि मृत्युदर भने अहिले पनि दैनिक चार हजारको हाराहारीमा चलिरहेको छ।
भारतमा हालसम्म २ करोड ४६ लाख मानिसमा कोरोना संक्रमण पुष्टि भईसकेको छ । त्यस्तै कोरोना संक्रमणबाट २ लाख ७० हजारले ज्यान गुमाएका छन् । यता सक्रिय संक्रमितको संख्या भने ३६ लाख छन्।
