एजेन्सी । शुक्रबारबाट प्रदर्शनमा आएको बलिउड फिल्म ‘ओएमजी २’ले बक्स अफिसमा राम्रो कमाई गरिरहेको छ ।
अक्षय कुमार, पंकज त्रिपाठी र यामी गौतम प्रमुख भूमिकामा रहेको यस फिल्मले दुई दिनमै २५ करोडमाथिको व्यापार गरेको छ । यो फिल्मसँगै सनी देवल अभिनित फिल्म ‘गदर २’ पनि सँगै रिलिज भएको थियो ।
गदरसँगको भिडन्तका बाबजुद फिल्मले शुक्रबार १०.२६ र शनिबार १५.३० करोड गरी २५.५६ करोड कलेक्शन गरेको छ । फिल्मलाई अमित रायले निर्देशन गरेका हुन् ।
