एजेन्सी । सनी देवल अभिनित बलिउड फिल्म ‘गदर–२’ ले बक्स अफिसमा बम्पर कमाइ जारी राखेको छ । फिल्मले दोस्रो दिन ४३.०८ करोड कमाएको छ । दुई दिनमा फिल्मको कुल कमाई ८३.१८ करोड पुगेको छ ।
आज अर्थात आइतबार फिल्मले सय करोड आंकडा पार गर्ने देखिन्छ । फिल्मको क्रेज यति धेरै छ कि मानिसहरु ट्रयाक्टरमा फिल्म हेर्न पुगेका छन् ।
२२ वर्षअघि यसको पहिलो भागमा देखिएको क्रेज गदर–२ मा पनि उत्तिकै देख्न सकिन्छ । मानिसहरु थिएटरतर्फ दौडिरहेका छन् । कोही ट्याक्टर लिएर कोही ह्यान्डपम्प लिएर सिनेमा हल जाँदैछन् । ‘हिन्दुस्तान जिन्दाबाद’को नारा लगाइएको छ । मानिसहरू थिएटरहरूमा नाचिरहेका छन् ।
चलचित्रको दर्शकमा रहेको क्रेज अनुसार चलचित्रले कमाई गरिरहेको छ । यो फिल्म एकल रिलिज भएको भए पठानको कीर्तिमान पनि तोड्न सक्ने एनालिस्टहरु बताउँछन् । अक्षय कुमार र पंकज त्रिपाठी अभिनित ‘ओएमजी २’ र यो फिल्म एकैसाथ रिलिज भएका छन् ।
दुई दिनमै गदर २ सनी देवलको करियरकै सबैभन्दा धेरै कमाउने फिल्म बनेको छ । गदरको पहिलो भागले करिब ७८ करोड रुपैयाँ कमाएको थियो । दुबै फिल्मको निर्देशन अनिल शर्माले गरेका हुन् । सनी देवलको अपोजिटमा अमिशा पटेल रहेकी छन् ।
Fans came in tractor to see gadar 2 of sunny paji 90s star are back 😎 pic.twitter.com/h55V1A5P8l
— Deepak Jain 🇮🇳 (@Dipsdj007) August 11, 2023
