काठमाडौँ। नेपाली कांग्रेसको पदाधिकारी बैठक आज पनि बस्ने भएको छ । पार्टी कार्यालय सानेपामा बस्न लागेको बैठक दिउँसो ३ बजे सुरु हुनेछ।
बैठकमा भोलि बस्ने केन्द्रीय कार्य सम्पादन समितिको बैठकका एजेण्डाबारे छलफल हुने नेपाली कांग्रेसले जनाएको छ।
यस्तै, स्थानीय तहको निर्वाचन, एमसीसी परियोजना, १६ जिल्लामा बाँकी अधिवेशन, म्याद सकिएका भ्रातृ संस्था लगायतका विषयमा पनि छलफल हुनसक्ने बुझिएको छ ।
कार्यसम्पादन समितिको बैठकका एजेण्डाबारे मंगलबारको पदाधिकारी बैठकमा पनि छलफल भएको थियो।
