एजेन्सी । बलिउड अभिनेत्री परिणिती चोपडा र सांसद राघव चड्डाले सोमबार आफ्नो विवाहको पहिलो तस्बिर सेयर गरेका छन् । आइतबार उदयपुरस्थित द लीला प्यालेसमा परिवार र साथीभाइको उपस्थितिमा यी जोडीले विवाह गरेका हुन् ।
परिणीतिले आफ्नो विवाहको पहिलो फोटो इन्स्टाग्राममा पोष्ट गर्दै लेखेकी छीन्, “ब्रेकफास्ट टेबलमा भएको पहिलो कुराकानीबाट, हाम्रो मनलाई थाहा थियो । लामो समयदेखि यो दिनको प्रतिक्षामा थिए .. अन्तत: श्रीमान र श्रीमती बन्न पाउँदा धन्यबाद! ”
परिणितीको कजिन तथा अभिनेत्री प्रियंका चोपडाले फोटोहरूमा पहिलो कमेन्ट गरेकी छन् । ‘मेरो आशीर्वाद सधैं छ ‘, प्रियंकाले लेखेकी छन्। प्रियंका परिणितीको विवाहमा भने उपस्थित थिईनन् ।
यसअघि, परिणीति र राघवको विवाहपछिको समारोहका तस्बिरहरू सार्वजनिक भएका थिए। फोटोमा परिणितीले सिन्दूर लगाएकी थिइन् र सिक्विन्ड गुलाबी साडी लगाएकी थिइन् भने राघव कालो टक्सिडोमा देखिएका थिए
परिणीति र राघवले वैशाखमा इन्गेजमेन्ट गरेका थिए। इग्ल्यान्डमा पढ्दा उनीहरूबीच चिनजान भएको थियो । परिणीतिले द युनिभसिटी अफ म्यानचेस्टरमा पढेकी हुन् भने राघवले लण्डन स्कूल अफ इकोनोमिक्समा पढेका हुन्।
