एजेन्सी । अभिनेता अक्षय कुमारको आगामी फिल्म ‘मिशन रानीगञ्ज’ को ट्रेलर सार्वजनिक भएको छ । यस फिल्ममा अक्षय कुमार जसवंत सिंह गिलको भूमिकामा छन् ।
उनको साहसलाई ट्रेलरमा राम्रोसँग देखाइएको छ । जसवन्त सिंहले खानीमा काम गर्ने क्रममा फसेका मानिसको ज्यान कसरी बचाए भन्ने ट्रेलरमा देखाइएको छ । ‘मिशन रानीगञ्ज’ को ट्रेलर ठूलो धमाकाबाट सुरु हुन्छ । खानीमा काम गर्नेहरुको ज्यान समस्यामा परेको हुन्छ । त्यसपछि अक्षय कुमार समस्यामा परेका जनताका लागि मसीहा बनेर आउँछन् ।
सबैले मान्छन् कि मजदुर मरेका छन्, त्यसपछि अक्षय कुमारले उनीहरुको ज्यान बचाउने निर्णय गर्छन् । उनले निर्णय गर्छन् कि उद्धार गर्ने र कामदारहरूलाई बचाउनेछ । यसैबीच, अक्षय कुमार वास्तविक जीवनको नायक बनेर उनीहरूलाई बचाउन जोखिम मोल्छन् र बलियो योजना तयार गर्छन् । त्यसपछि के हुन्छ भन्नेबारे बुझ्न फिल्म नै हेर्नुपर्ने हुन्छ ।
टिनु सुरेश देसाई निर्देशित ‘मिशन रानीगञ्ज’ अक्टोबर ६, २०२३ मा सिनेमाघरमा रिलिज हुँदैछ । पूजा इन्टरटेनमेन्टको ब्यानरमा बनेको फिल्म ‘मिशन रानीगञ्ज’लाई विसु भगनानी, ज्याकी भगनानी, दीपशिखा देशमुख र अजय कपुरले संयुक्त रुपमा निर्माण गरेका हुन् ।
नोभेम्बर १९८९ मा पश्चिम बंगालको रानीगञ्जको कोइला खानीमा एउटा ठूलो दुर्घटना भयो, जसले सिंगो भारतलाई तरंगित बनायो । यो अहिलेसम्मकै सबैभन्दा खतरनाक कोइला दुर्घटना थियो । यस दुर्घटनामा अमृतसरका इन्जिनियर जसवंत सिंह गिलले एक्लैले ६५ जनालाई मृत्युबाट बचाएका थिए । ुमिशन रानीगंज – द ग्रेट भारत उद्धार’ले यो दुर्घटनाको कथा बताउँछ ।
