काठमाडौं । मुस्लिम समुदायका अगुवाहरुले शिक्षासम्बन्धी कानूनलाई संशोधन र एकीकरण गर्न बनेको विधेयक, २०८० मा मदरसा शिक्षाप्रति अन्याय भएको भन्दै सरकारको ध्यानआकर्षण गराएका छन् ।
उनिहरुले विधेयकमा मदरसा शिक्षाका केही कुराका सम्बोधन भएपनि अपूर्ण रहेको भन्दै सरकारको ध्यानकर्षण गराएका हुन्।
नेपाल हज समितिका पूर्वअध्यक्ष ताज मोहम्मद मियाँले न्यूजपोलारसंग भन्नुभयो ‘विद्यालय शिक्षासम्बन्धी कानूनलाई संशोधन र एकीकरण गर्न बनेको विधेयक, २०८० मा मदरसा शिक्षालाई सम्बोधन गरिएकामा सरकारलाई धन्यवाद दिएका छौ तर त्यो अपूर्ण छ पूर्ण बनाउनका लागि शिक्षा, विज्ञान तथा प्रविधिमन्त्री अशोक राईलाई एक ज्ञापनपत्र बुझाएका छौ ।’
उहाँले मूलभूतरुपमा विधेयकमा मदरसा शिक्षाप्रति अन्याय भएको भन्दै आवश्यक संशोधनका लागि अनुरोध गरिएको बताउनु भयो ।
ज्ञापनपत्र बुझाउन सांसद खालिद सिद्दिकी, कल्पना मियाँ विभिन्न मुस्लिम भातृ संगठन र सामाजिक संघ संस्थाका व्यक्तिहरुको उपस्थिती रहेको थियो ।
