एजेन्सी । इंग्लिस प्रिमियर लिग फुटबल अन्तर्गत म्यान्चेस्टर युनाइटेडले हार ब्यहोरेको छ ।
गएराति भएको खेलमा युनाइटेड क्रिस्टल प्यालेससँग आफ्नै घरेलु मैदानमा १–० गोलले स्तब्ध बनेको हो ।
खेलको २५ औं मिनेटमा प्यालेसका जोकिम एन्डरसले गोल गर्दै टोलीलाई सुरुवाती अग्रता दिलाएका थिए । उक्त गोल नै प्यालेसको जितमा निर्णायक गोल बन्यो ।
यो नतिजासँगै प्यालेस ७ खेलबाट ११ अंकका साथ तालिकाको नवौं स्थानमा छ । युनाइटेड समान खेलबाट ९ अंकका साथ ११ औं स्थानमा छ ।
