एजेन्सी । अहमदाबादको नरेन्द्र मोदी स्टेडियममा शनिबार भएको खेलमा पाकिस्तान भारतसँग ७ विकेटले पराजित भयो । यो खेलमा कुनै समय पाकिस्तानको स्कोर १५४/२ थियो ।
पाकिस्तानका कप्तान बाबर आजम आउट भएपछि पाहुना टोलीको इनिङ्स खस्कियो र पूरा टोली १९१ रनमा अलआउट भयो । पाकिस्तानले सानो लक्ष्यको रक्षा गर्नुपर्यो तर खेललाई रोमाञ्चक बनाउन सकेन । भारतीय टोलीले तीन विकेट गुमाएर ११७ बल बाँकी रहँदै सात विकेटले जित हात पारेको थियो ।
पाकिस्तानका प्रमुख फास्ट बलर शाहिन अफ्रिदीले भारत विरुद्धको खेलमा दुई विकेट लिए पनि उनले ब्याट्सम्यानलाई दबाब दिन सक्ने देखिएन । बायाँ हाते फास्ट बलरले ६ ओभरमा ३६ रन दिएर शुभमन गिल र रोहित शर्माको विकेट लिए । रोहित शर्मा आउट हुँदा पाकिस्तान खेलबाट बाहिरिसकेको थियो ।
भारतीय टोलीका पूर्व मुख्य प्रशिक्षक रवि शास्त्रीले हिन्दी कमेन्ट्री गर्दा शाहीन अफ्रिदीको चर्को आलोचना गरेका छन् । शास्त्रीले शाहिन अफ्रिदीलाई तारिफ गरिराख्नु नपर्ने बताएका थिए । शास्त्रीले शाहिन अफ्रिदीलाई ठिकठाकको बलर भन्दै उनी वसिम अकरम जस्तो नभएको पनि बताए ।
रवी शास्त्रीले के भने ?
शाहिन अफ्रिदी राम्रो बलर हुन् । उनले नयाँ बलमा विकेट लिन सक्छन् । तर, नसिम शाह नखेल्ने र पाकिस्तानको स्पिन आक्रमण यसरी नै रह्यो भने गाह्रो हुन्छ भन्ने कुरा तपाईंले स्वीकार गर्नुपर्छ ।
शाहीन अफ्रिदी वसीम अक्रम होइनन् । राम्रो बलर । तर यति धेरै प्रशंसा गर्नु आवश्यक छैन । जब कुनै कुरा राम्रो हुन्छ तब ठीकै छ भन्नु पर्छ । धेरै बलियो छ भनी कसैलाई चढाउनु हुँदैन । यो त्यस्तो होइन । यसलाई स्वीकार गर्नुपर्छ ।
