काठमाडौँ । आइसिसी टि२० विश्वकप एसिया क्षेत्र छनोटको सेमिफाइनल खेलमा युएईले नेपाललाई १३५ रनको लक्ष्य दिएको छ ।
माथिल्लो मुलपानी क्रिकेट मैदानमा युएईले टस जितेर पहिला ब्याटिङ गरेको युएईले निर्धारीत २० ओभरमा ९ विकेट गुमाउदै १३४ रन बनायो । युएईका लागि यूवा ब्याटर वृत्य अरविन्दले सर्वाधिक ६४ रन बनाए । उनले ५१ बलमा ८ चौका र २ छक्का प्रहार गरे । यस्तै, कप्तान मोहम्मद वासिमले २६, अलिशान शराफूले १६, आसिफ खानले १३ रन बनाए ।
नेपालको लागि कुशल मल्लले ३ ओभरमा ११ रन खर्चेर सर्वाधिक तीन विकेट लिए । यस्तै सन्दीप लामिछानेले ४ ओभरमा एक मेडनसहित १३ रन खर्चेर २ विकेट लिए । गुल्शन झा र कप्तान रोहित पौडेलले समान एक विकेट लिए ।
नेपालले केहिबेरमा जवाफि ब्याटिङ गर्नेछ ।
