आइसिसी विश्वकप क्रिकेट अन्तर्गत शनिबार बेंगलोरमा सम्पन्न खेलमा न्युजील्यान्ड पाकिस्तानसँग पराजित भएको छ ।
वर्षाले खेल रोकिएसँगै पाकिस्तानले डकवर्थ लेविसका आधारमा २१ रनले विजयी भएर महत्वपूर्ण २ अंक हासिल गरेको छ । पाकिस्तानको जितमा पाकिस्तानी ब्याटर फखर जमानको धुँवाधार अविजित १२६ रन तथा कप्तान बाबर आजमको अविजित ६६ रन महत्वपूर्ण रह्यो । ८१ बल सामना गरेका फाखरले ११ छक्का र ८ चाैका प्रहार गरेका थिए ।
डकवर्थ लेविसका आधारमा पाकिस्तानलाई २५.३ ओभरमा १८० रन बनाउनु पर्ने भए पनि पाकिस्तानले एक विकेट गुमाएर २०० रन बनाएको थियो ।
न्युजील्यान्डले पहिले ब्याटिङ गर्दै पाकिस्तानसामु जितका लागि ४०२ रनको विशाल लक्ष्य दिएको थियो ।
न्युजील्यान्डका लागि युवा ब्याटर रचिन रबिन्द्रले १०८ रनको शतकीय पारि खेलेका थिए । यस विश्वकपमा यो उनको तेस्रो शतक हो ।
चोटका कारण यसअघिका खेल गुमाएका कप्तान केन विलियम्सनले पनि शानदार ब्याटिङ गर्दै ९५ रनको महत्वपूर्ण योगदान गरेका थिए ।
आजको खेल नजिते प्रतियोगिताबाटै बाहिरिने पाकिस्तानी टिमका कप्तान बाबर आजमले आज टस जितेर पहिले क्षेत्र रक्षण रोजेका थिए । उनका बलरले राम्रो बलिङ प्रदर्शन गर्न सकेका थिएनन् भने क्षेत्र रक्षण पनि फितलो थियो ।
आजको खेलपछि पाकिस्तानले आठ खेलबाट ८ अंक भएको छ, अंक तालिकामा पाँचौं स्थानमा छ । रन रेटका आधारमा समान ८ अंक भएका अस्ट्रेलिया र न्युजील्यान्ड तेस्रो र चौथो स्थानमा छन् । एजेन्सि
