काठमाडौ । नेकपा एमालेका नेता योगेश भट्टराईले षड्यन्त्र र छलछाम नगरी आत्मालोचना सहित छलफलमा जुट्न नेताहरुलाई आग्रह गर्नुभएको छ । सामाजिक सञ्जाल फेसबुकमा एक स्टाटस राख्दै नेता भट्टराईले जमिनमा टेक्दै घरातलमा फर्कन आग्रह गर्नुभएको छ । उहाँले लेख्नु भएको छ
आलोचना र आत्मालोचना बारे
पहिला २०७७ फागुन २३ गतेको सर्बोच्च अदालतको फैसलालाई सबैले स्वीकार गरौ ।
त्यसपछि २०७५ जेष्ठ २ गते कायम रहेको नेकपा एमाले केन्द्रिय कमिटीको बैठक आयोजना गरौ । बैठकमा खुला खुलस्त छलफल गरौ । षड्यन्त्र र छलछाम कसैले कसैमाथि नगरौ ।
आफूबाट भएका गल्तीलाई सबैले दीलबाट स्वीकार गरौ । पार्टीलाई बिधिसम्मत रुपमा संचालन गर्ने सबै तयार होऔ ।
महाधिबेशन र सबै तहका अधिबेशन आयोजना गरौ, स्वस्थ र पारदर्शी ढंगले लोकतान्त्रिक अभ्यास गरौ र परिणाम सबैले स्वीकार गरौ । आउने निर्वाचनमा नेकपा एमालेको बहुमत ल्याउन सबैले कसम खाउं । जमिनमा टेकौ र जनता तर्फ फर्कौ । यसैमा छ सबैको भलो ।
