काठमाडौं । नेपालमा थप ५५९ जनामा कोरोना भाइरसको संक्रमण पुष्टि भएको छ । पछिल्लो २४ घण्टामा ५ हजार १ सय ५ परीक्षण गर्दा उक्त संख्यामा कोरोना संक्रमण पाइएको स्वास्थ्य तथा जनसंख्या मन्त्रालयले जनाएको हो । जसमध्ये ४३७८ जनको पीसीआरबाट र ७२७ जनाको एन्टीजेन परीक्षण गरिएको हो ।
योसँगै हालसम्म मुलुकभर २ लाख ८० हजार ५ सय २४ जनामा कोरोना संक्रमण देखिएको छ । यस्तै २ लाख ७४ हजार १ सय ६५ संक्रमित उपचारपछि निको भएका छन् । मन्त्रालयका अनुसार पछिल्लो २४ घण्टामा १३८ संक्रमित निको भएका छन् ।
सोमबार कोरोना संक्रमणबाट मृत्यु हुनेको संख्या १३ रहेको छ । हालसम्म कोरोना संक्रमणबाट मृत्यु हुनेको संख्या ३ हजार ५३ जना पुगेको छ ।
