काठमाडौँ । सांगीतिक कार्यक्रमका लागि अष्ट्रेलिया पुगेका चर्चित गायक सुगम पोखेलले एक कार्यक्रममा दर्शकलाई माइकले ‘झट्टी’ हानेका छन् ।
एडिलेटमा भएको कार्यक्रममा गायक पोखरेल ‘रक्सीले मातेर’ दर्शकलाई माइकले झट्टी हानेका हुन् । सार्वजनिक भिडियोमा रक्सीले मातेका पोखरेलको बोली नै लरबरिएको छ । स्टेजमा रहेका पोखरेलले आफ्नो चर्चित गीत ‘झिल्के’ गाउँ न त त भनेका छन् ।
उनको आग्रहपछि दर्शकहरुले ‘झिल्के‘ झिल्के’ भन्छन् । सोही बखतमा उनले नेपालमा भूकम्प गएर मानिसहरुको मृत्यु भएको भन्दै दर्शकलाई शान्त हुन भन्छन् र मौनधारणको लागि आग्रह गर्छन् ।
दर्शकहरुले मौनधारणको समयमा नि हल्ला गरेपछि उनले ‘बइनी कमला, बिमला त पोइला गइन् दोकान सम्हाल’ भन्ने गीत गाउँछन् । तर, दर्शकहरुले हल्ला नै गरेपछि उनी थप उत्तेजित हुन्छन् ।
त्यसपछि उनले भनेका छन्, ‘ए भाइ, तिमीलाई मा’ कसम झट्टी हान्छु‘ यो भाइलाई बोला त ओइ‘ यो तालुवाला भाइलाई’ यति भनेपछि उनी स्टेजबाट तल झरेर दर्शकमाथि जाइलाग्छन् । स्वयंसेवकले रोक्दा–रोक्दै उनले ती दर्शकलाई माइकले झट्टी हान्छन् र गालीगलौज गर्छन् ।
उनलाई बल्लतल्ल त्यहाँबाट निकालेर फेरि स्टेजमा लगिन्छ । फेरि पनि सुगमले अर्को माइल दर्शकतिर हुर्याउँछ न्। त्यसपछि भने उनलाई स्टेजबाट निकालिन्छ ।
सो घटनापछि गायक पोखरेलले चौतर्फी आलोचना खेपेका छन् ।
