एजेन्सी । डन फ्रेन्चाइजको तेस्रो चलचित्र ‘डन ३’ को तयारी सुरु भएको छ । यस फ्रेन्चाइजीमा शाहरुख खानको स्थानमा रणवीर सिंह डनको भूमिकामा देखिनेछन् ।
अब यो फिल्ममा प्रियंका चोपडाको पनि इन्ट्री भएको छ, जसले २००६ र २०११ को फिल्ममा जंगली बिल्ली (रोमा भगत)को भूमिका निर्वाह गरेकी थिइन् ।
प्रियंका भन्दा पहिले कियारा आडवाणी र कृति सेननलाई कास्ट गरेको खबरहरु आएका थिए, तर रिपोर्टलाई विश्वास गर्ने हो भने अब फरहान अख्तरले अस्सल जंगली बिल्ली प्रियंकालाई साइन गरेका छन् ।
केही समयअघि प्रियंकाले फरहानको फिल्म ‘जी ले जरा’लाई अस्वीकार गरेको खबर आएको थियो ।
स्पटबोयको हालैको रिपोर्ट अनुसार प्रियंका चोपडा डन ३ मा काम गर्न राजी भएकी छिन् । प्रियंका केही समयअघि भारत आएकी थिइन्, त्यसपछि मात्रै उनले फिल्मको बारेमा कुरा गरेकी थिइन् । अब उनी फेरि नयाँ डन रणवीर सिंहसँग जंगली बिल्लीको भूमिकामा देखिनेछिन् ।
