काठमाडौं । बुढानीलकण्ठ नगरपालिकाले रैथाने उपजको हाटबजार सुरु गरेको छ ।
नगरपालिकाले आफ्ना किसानलाई उत्पादनको ‘उपयुक्त मूल्य दिने’ र कृषि उत्पादनलाई प्रबद्धर्न गर्ने उद्देश्यले हरेक शनिबार नगरपालिकाकै परिसरमा कृषि बजार सुरु गरेको हो ।
हाटबजारको बुढानीलकण्ठ नगरपालिकाकी बासिन्दा समेत रहेकी पूर्वराष्ट्रपति विद्यादेवी भण्डारीले रैथाने उपज खरिद गरेर शुभारम्म गर्नुभयो ।
मेलामा बूढानीलकण्ठका किसानले उत्पादन गरेको रैथाने कृषि उपज, दूग्धजन्य पदार्थ, कृषि औजार तथा रैथाने परिकारहरु बिक्री तथा प्रदर्शनको लागि राखिएको छ।
रैथाने उत्पादनलाई प्रोत्साहन गर्न नगरपालिकाले हरेक शनिबार ७ बजे देखि ११ बजेसम्म नगरकार्यपालिका परिसरमा यस्तो हाट बजार राख्न दिने उपप्रमुख अनिता लामाले जानकारी दिनुभयो ।
