काठमाडौं । कांग्रेस सभापति शेरबहादुर देउवाले बोलाएको तीन दलको बैठक निष्कर्षबिनै सकिएको छ ।
देउवा निवास बुढानीलकण्ठमा केहीबेरअघि बसेको बैठकमा नेपाली कांग्रेसले माओवादी केन्द्र र जनता समाजवादी पार्टी (जसपा)सामू आफ्नो पार्टीको नेतत्वमा सरकार बनाउने प्रस्ताव राखेको थियो ।
माओवादी केन्द्रले त्यसमा सहमति जनाएपनि जसपाले यसबारे छलफल गर्न समय माग गरेपछि आजको बैठक सहमतिबिनै सकिएको हो ।
बैठकमा माओवादी केन्द्रका पुष्पकमल दाहाल प्रचण्डसहित नारायणकाजी श्रेष्ठ, कृष्णबहादुर महरा र देव गुरुको सहभागीता रहेको थियो। यस्तै जसपाका डा. बाबुराम भट्टराई, उपेन्द्र यादव, महन्थ ठाकुर, राजेन्द्र महतो, राजेन्द्र श्रेष्ठ र अशोक राई पनि बैठकमा पुगेका थिए ।
