काठमाडौं । भारतमा पछिल्लो २४ घण्टामा १ लाख ३१ हजार जना नयाँ कोरोना संक्रमित थपिएका छन् । यो संख्या कोरोना महामारी शुरु भएदेखिकै सबैभन्दा धेरै रहेको भारतीय सन्चार माध्यमहरुले जनाएका छन् ।
त्यस्तै भारतमा गएको २४ घण्टामा ७ सय ८० जनाले कोरोनाबाट ज्यान गुमाएका छन् । त्यतिमात्र नभई कोरोनाविरूद्धको खोप लगाइसकेका नयाँदिल्लीको सर गंगाराम अस्पतालका ३७ डाक्टरमा पनि कोरोना संम्रमण देखिएको छ ।
संक्रमित डाक्टरहरुमध्ये ३२ जना होम क्वारेन्टिनमा रहेको र ५ जना अस्पताल भर्ना भएको समाचार एजेन्सी एएनआईले जनाएको छ ।
