पाकिस्तानको प्रधानमन्त्रीमा आजकै दिन अर्थात् सन् १९८८ नोभेम्बर १६ का दिन बेनजिर भुट्टो प्रधानमन्त्री नियुक्त हुनु भएको थियो ।
पाकिस्तान पिपुल्स पार्टी (पिपिपी) की अध्यक्ष समेत रहनु भएकी उहाँ मुस्लिम शासित मुलुकमै पहिलो महिला प्रधानमन्त्रीमा निर्वाचित हुनु भएको थियो । पाकिस्तानका पूर्व प्रधानमन्त्री एवं पिपिपीका संस्थापक जुल्फिकार अलि भुट्टोकी सुपुत्री बेनजिर पाकिस्तानको प्रधानमन्त्रीका रुपमा सन् १९८८ देखि १९९० र १९९३ देखि १९९६ सम्म रहनु भएको थियो ।
भ्रष्टाचार, नाताबाद जस्ता अनेक आरोप लगाइएकी विश्वचर्चित नेत्री बेनजिरको २७ डिसेम्बर २००७ मा ५४ वर्षकै उमेरमा हत्या गरिएको थियो । रावलपिन्डीमा पार्टीले आयोजना गरेको एउटा र्यालीमा सहभागी उहाँलाई गोली हान्नुका साथै आत्मघाती बम हमला गरिएको थियो ।
