काठमाडौं । नेकपा माओवादी केन्द्रले ४ जना संघीय सांसदलाई कारबाही गरेको छ । सो पार्टीले सांसदहरु टोपबहादुर रायमाझी, लेखराज भट्ट, प्रभु साह र गौरीशंकर चौधरीलाई पार्टी सदस्यसमेत नरहने गरी सांसदबाट हटाएको हो ।
माओवादी केन्द्रका अध्यक्ष प्रचण्डको हस्ताक्षर रहेको उक्त निर्णयमा उनीहरुलाई एमाले प्रवेशबारे स्पष्टीकरण सोधिएकामा प्रभु साह बाहेक अरुले जवाफ नदिएको र जवाफ दिएका शाहको पनि चित्तबुझ्दो स्पष्टीकरण नआएको भन्दै कारबाही गरिएको पत्रमा उल्लेख छ ।
यस्तै राष्ट्रियसभाका सांसद् रहेका गृहमन्त्री रामबहादुर थापा ‘बादल’लाई पनि दलबाट हटाइएको पत्र संसद् सचिवालयमा छुट्टै दर्ता भएको बताइएको छ ।
