काठमाडौँ । नेपाली सुनचाँदी बजारमा आज साताको अन्तिम कारोबार दिन अर्थात् शुक्रबार सुनको मूल्य घटेको छ । बुधबार हालसम्मकै उच्च बिन्दुमा पुगेर रेकर्ड बनाएको सुनको मूल्य बिहीबार स्थिर रहेको थियो।
शुक्रबार छापावाल सुन प्रतितोला तीन सय रूपैयाँले घटेर एक लाख १९ हजार रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ । बिहीबार छापावाल सुन प्रतितोला एक लाख १९ हजार तीन सय रूपैयाँमा कारोबार भएको थियो ।
यस्तै, आज तेजाबी सुन प्रतितोला एक लाख १८ हजार चार सय ५० रूपैयाँमा कारोबार भइरहेको छ । हिजो तेजाबी सुन प्रतितोला एक लाख १८ हजार सात सय ५० रूपैयाँमा कारोबार भएको थियो ।
त्यसैगरी, शुक्रबार चाँदीको मूल्य भने बढेको छ । आज चाँदी प्रतितोला २० रूपैयाँ बढेर १५ सय ४० रूपैयाँमा कारोबार भईरहेको महासंघले जनाएको छ ।
