एजेन्सी । बलिउडमा प्रवेश गर्न र लगातार लाइमलाइटमा रहन धेरै कठिन छ । यहाँ धेरै स्टारहरूले आफूलाई उचाइको शिखरमा पुर्याए, केही स्टारहरु समयसँगै गुमनाम भए ।
यसैबीच, बलिउडका ‘खिलाडी कुमार’सँग धेरै फिल्ममा काम गर्ने एक स्टारको बारेमा चर्चा गरौं तर अहिले यी अभिनेताको हालत यस्तो भएको छ कि उनी अहिले पैसाको लागि सुरक्षागार्डको काम गरिरहेका छन् ।
यी अभिनेताले एक मात्र होइन धेरै फिल्ममा काम गरिसकेका छन् यी फिल्मको नाम ‘ब्ल्याक फ्राइडे’, ‘गुलाल’ र ‘पटियाला हाउस’ हो । यी सबै फिल्ममा यी अभिनेताले महत्वपूर्ण भूमिका निर्वाह गरेका छन् ।
उन नाम सवि सिद्धु हो । फिल्ममा काम गरेपछि यी अभिनेता अहिले गुमनामको जीवन बिताइरहेका छन् । उनीसँग कुनै ठूलो काम छैन । जसका कारण अहिले यो अभिनेता आफ्नो जीविकोपार्जनका लागि चौकीदारको रुपमा काम गरिरहेका छन् ।
सविले एक पोर्टललाई दिएको अन्तर्वार्तामा यसबारे खुलेर कुरा गरेका थिए । यसै क्रममा सविले आफ्नो स्वास्थ्य बिग्रँदै गएका कारण यो निर्णय लिएको बताए । सविले भने– ‘मेरो जीवनको सबैभन्दा कठिन समय त्यो थियो जब मैले मेरी श्रीमती गुमाए । मेरो बुबाको मृत्यु भयो, त्यसपछि मेरी आमा र ससुरा पनि । म अहिले एक्लै छु । स्वास्थ्य राम्रो भएपछि काम पाउँछु भन्ने लाग्यो । तर यस्तो हुन सकेको छैन । काम पाउन गाह्रो हुन थाल्यो । आर्थिक अवस्था सुधार्न, मैले पहरेदारको रूपमा काम गर्ने निर्णय गरें ।’
अभिनेता राजकुमारले सवि सिद्धुको कथाबारे ट्वीट गरेका थिए जुन निकै भाइरल भएको थियो । राजकुमारले ट्विटमा लेखेका छन्, ‘म सवि सिद्धु सर तपाईको कथाबाट प्रेरित छु । मैले तपाईका सबै फिल्ममा तपाईको कामको सधै प्रशंसा गरेको छु । तपाईंको सकारात्मकता मन पर्यो । म मेरा सबै कास्टिंग साथीहरूलाई तपाईं सम्म पुग्न भन्छु ।’
सविले ‘जमीन’, ‘ब्ल्याक फ्राइडे’, ‘पटियाला हाउस’, ‘जाल’, ‘डी–डे’ लगायत १५ फिल्ममा काम गरिसकेका छन् ।
