काठमाडौँ । प्रहरीले अमेरिका पठाईदिन्छु भन्दै रकम ठगि गर्ने एक जनालाई पक्राउ गरेको छ ।
अमेरिका पुगेपछि प्रतिष्ठित कम्पनिमा काम लगाईदिन्छु भन्दै पटक पटक ठगी गर्ने कैलाली टिकापुर घर भई हाल कोटेश्वर बस्ने २८ वर्षका रमेश न्यौपाने पक्राउ परेका हुन् ।
न्यौपानेले गणेश अधिकारी समेत ५ लाई वैदेशिक रोजगारीको लागि अमेरिका पठाईदिन्छु त्यसको लागि प्रतिव्यक्ति पैतालीस लाख रुपैयाँ लाग्छ भनि पटक पटक रकम ठगि गरेका थिए । पीडितहरुबाट पटकपटक चौँसठ्ठी लाख पैतालीस हजार रुपैयाँ रकम लिई सम्पर्क विहीन भएका रमेशलाई काठमाण्डौ उपत्यका अपराध अनुसन्धान कार्यालयले बिहिबार नयाँबानेश्वर सिभिल अस्पतालबाट पक्राउ गरेको हो ।
गिरोहलाई अनुसन्धान तथा कारवाहीको लागि वैदेशिक रोजगार विभाग ताहाचल, काठमाण्डौं पठाईएको प्रहरीले जनाएको छ ।
