काठमाडौं । राष्ट्रिय स्वतन्त्र पार्टी (रास्वपा)को संसदीय दलको बैठक आज सोमबार बस्दैछ ।
बैठक अपरान्ह ४ बजे पार्टी कार्यालय वनस्थलीमा बस्ने संसदीय दलका प्रमुख सचेतक सन्तोष परियारले जानकारी दिए । परियारका अनुसार बैठकमा संसदीय दलको विधान, समितिमा रहेका विधेयक र संसदको आगामी अधिवेशनमा प्रभावकारी ढंगले प्रस्तुत हुने विषयमा छलफल हुनेछ ।
पार्टी सभापति एवं संसदीय दलका नेता रवि लामिछाने विदेशमा रहेकाले आजको बैठक कार्यवाहक संसदीय दलका नेता विराजभक्त श्रेष्ठको अध्यक्षतामा बस्ने रास्वपाले जनाएको छ ।
