काठमाडौं । फुटपाथ पसल हटाउने ललितपुर महानगरपालिकाको निर्णयविरुद्ध अभियन्ता ईः (इशान अधिकारी) ले विरोध जनाउने हुनुभएको छ ।
उहाँले आज महानगरपालिका कार्यालय अगाडि १०८ मिनेट उभिएर विरोध जनाउन लाग्नुभएको हो । यसअघि पनि उहाँले उभिएर विरोध जनाइसक्नुभएको छ । काठमाडौँ महानगरपालिकाले फुटपाथबाट व्यापारीहरुलाई हटाएको विरोधमा उहाँले राष्ट्रिय सभागृह अगाडि १९९ घण्टासम्म उभिएर विरोध जनाउनुभएको थियो ।
त्यतिबेला महानगरपालिका र ईः बीच फुटपाथ पसललाई व्यवस्थित गर्ने लगायतका चार बुँदामा सहमति भएको थियो । ललितपुर महानगरपालिकाले पनि विकल्पविना फुटपाथका व्यापारीहरुलाई हटाउने निर्णय गरेको छ । त्यसैले ईःले फेरि उभिएर विरोध जनाउन लाग्नुभएको हो । आज दिउँसो ३ बजेदेखि ललितपुर महानगरपालिका कार्यालय अगाडि उभिएर विरोध जनाउने उहाँले जानकारी दिनुभएको छन् ।
