काठमाण्डौ, १ पुस । विगत दुईवर्षदेखि नेपाली युवायुवतीलाई विभिन्न खानेकुरा तयार गर्नेबारे (कुक) तालीम दिई स्वदेशी र विदेशी बजारको लागि दक्ष जनशक्ति उत्पादन गर्दै आएको रेडिशन होटेल ट्रेनिङ्ग सेन्टर कालीमाटीमा आइतबार जापानी खानेकुरा ‘सुसी’ सम्वन्धी ३५ दिने तालीम सम्पन्न भएको छ ।
तालीमका सहभागीहरुलाई सो तालीम केन्द्रकी कार्यक्रम संयोजक सुनिता आचार्य, वरिष्ठ प्रशिक्षक शेफ मान बहादुर तामाङ्ग, वरिष्ठ पत्रकार बलराम प्यासी र राष्ट्रिय खाद्य बैंक लिमिटेडकी महिला उद्यमी विभाग प्रमुख कमला डिसीले खादा र प्रमाणपत्र वितरण गरे ।
दुईवर्षको अवधिमा सो तालीम केन्द्रमा २ हजारजना भन्दा बढीले जापानी खानेकुरा ‘सुसी’ बनाउने तालीम लिएर स्वदेश र विदेशका तारे होटेलहरुमा राम्रो पारिश्रमिक पाउने गरि रोजगारी पाईसकेको वरिष्ठ सुसी शेफ मान बहादुर तामाङ्गले बताए ।
कुनैपनि तालीम नलिई विदेश गएका नेपाली युवायुवतीहरु त्यहाँको बजार बुझेर विदामा स्वदेश फर्केको बेलामा समेत सुसी लगायतका अन्य तालीम लिएर पुन: विदेश जाने गरेको रेडिशन होटेल ट्रेनिङ्ग सेन्टरकी कार्यक्रम संयोजक सुनिता आचार्यले बताइन् ।
आफुसंग सीप हुँदा स्वदेश होस् या विदेशमा राम्रो पारिश्रमिक पाइने भएकोले पछिल्लो समयमा खानेकुरा बनाउने तालीम लिन आउने युवायुवतीहरुको संख्या बढीरहेको पनि उनले बताइन् ।
सुसी तालीमका प्रशिक्षार्थीहरुमा छोइक तामाङ्ग, नमराज तामाङ्ग, खड्ग बहादुर तामाङ्ग, सानु सुनार, सन्ध्या ढुंगाना, विशाल श्रेष्ठ, देविका महर्जन, हेमन्त शर्मा, स्वस्तिका थापा र अनिल अधिकारी छन् ।
३५ दिने तालीममा सैद्धान्तिक र व्यवहारिक तालीम लिए पश्चात उनीहरु सुसीका विभिन्न थरीका परिकार बनाउन सक्षम भएका थिए । तालीम समापनका अवसरमा उनीहरुले तातो र चिसो सहित झण्डै ५० थरीका सुसी तयार गरि प्रशिक्षक र पाहुनालाई खुवाएका थिए ।
रेडिशन होटेल ट्रेनिङ्ग सेन्टरले जापानी खानेकुरा सुसी बनाउने तालीमदेखि कफि बनाउने, इण्डियन, चाइनिज लगायतका खानेकुरा बनाउने तालीम दिँदै आएको छ ।
https://www.facebook.com/newspolar/videos/2074832372872583
