एजेन्सी । अन्ततः त्यो दिन आयो जसको क्रिकेट फ्यानहरु लामो समयदेखि पर्खिरहेका थिए । आईपीएल २०२४ को लिलामी आज दुबईमा हुँदैछ । यस्तो अवस्थामा अब आईपीएलमा ठूलो परिवर्तन भएको छ ।
आईपीएलमा खेलको रोमाञ्चकता बढाउन यो नयाँ नियम लागू गरिएको हो । आईपीएल २०२४ मा अब फास्ट बलरहरूले प्रति ओभर दुईवटा बाउन्सर बलिङ गर्न पाउनेछन् । ब्याट र बलबीचको प्रतिस्पर्धालाई बराबरी बनाउन यो पहल गरिएको हो ।
यो परिवर्तन भारतको घरेलु टी२० प्रतियोगिता २०२३(२४ सैयद मुश्ताक अली ट्रफीमा परिक्षण गरिएको थियो । यसैबीच अनुभवी खेलाडी जयदेव उनाडकटले यो परिवर्तनको स्वागत गरेका छन् । उनादकटले एक ओभरमा दुई बाउन्सर धेरै उपयोगी रहेको र बलरलाई ब्याट्सम्यान भन्दा बढी फाइदा दिने उनको भनाई छ ।
फास्ट बलरसँग डेथ ओभरमा थप विकल्प हुने उनले बताएका छन् । अब योर्कर, स्लो बल र बाउन्सर हुनेछन् । गत वर्ष आईपीएलमा नयाँ नियम इम्प्याक्ट प्लेयर नियम लागू गरिएको थियो ।
आईपीएल २०२४ मार्च २२ देखि मे को अन्त्य सम्म सुरु हुने सम्भावना छ । आईपीएलको खेल तालिका भने सार्वजनिक भएको छैन । भारतमा पनि अर्को वर्ष चुनाव हुन लागेको छ र यस्तो अवस्थामा निर्वाचन आयोगले मिति घोषणा गरेपछि मात्रै कार्यतालिका घोषणा हुने बताइएको छ ।
