काठमाडौँ । दोस्रो संस्करणको नेपाल सुपर लिग (एनएसएल)को फाइनल आज शनिबार हुँदैछ ।
उपाधिका लागि धनगढी एफसी र ललितपुर सिटी एफसीले प्रतिस्पर्धा गर्दैछन् । दुई टोलीबीचको फाइनल खेल त्रिपुरेश्वरस्थित दशरथ रंगशालामा साँझ ५ः३० बजे सुरु हुनेछ ।
यसअघिको साविक विजेता समेत रहेको धनगढीले पहिलो क्वालिफायरमा पोखरालाई पेनाल्टी सुटआउटमा पराजित गर्दै फाइनलमा स्थान बनाएको थियो ।
यता, ललितपुरले भने एलिमेनेटरमा काठमाडौँलाई ३–० गोलले तथा क्वालिफायर २ मा पोखरालाई २–१ गोलले पराजित गर्दै फाइनलमा पुगेको हो ।
विजेता टोलीले ७० लाख प्राप्त गर्नेछ भने उपविजेताले २० लाख पुरस्कार प्राप्त गर्नेछ । यस संस्करणको एनएसएलमा ९ टोलीले सहभागिता जनाएका थिए ।
