काठमाडौं । मन्त्रिपरिषद्को बैठक बसिरहेको छ । प्रधानमन्त्री तथा मन्त्रिपरिषद्को कार्यालमा जारी बैठकमा ललितपुरको बालकुमारी घटनाको छानबिन गर्न पूर्व न्यायाधीशको अध्यक्षतामा उच्चस्तरीय न्यायिक आयोग गठन गर्ने बारे निर्णय हुने जनाईएको छ ।
आइतबार प्रधानमन्त्री पुष्पकमल दाहाल प्रचण्डले गृह मन्त्रालयलाई उच्चस्तरीय छानबिन आयोग गठनसम्बन्धी प्रस्ताव ल्याउन निर्देशन दिनु भएको थियो ।
गृह मन्त्रालयले छानबिन आयोग ऐन २०२६ बमोजिम पूर्व न्यायाधीशको अध्यक्षतामा उच्चस्तरीय छानबिन आयोग गठन गर्न प्रस्ताब लैजाने तयारी गरेको छ । सत्ता गठबन्धनको प्रमुख घटक नेपाली कांग्रेसको केन्द्रीय समिति बैठकले न्यायिक छानबिन आयोगको माग गरेको थियो ।
आइतबार बसेको सत्ता गठबन्धको बैठकपछि प्रधानमन्त्री प्रचण्ड आयोग गठनका लागि तयार हुनु भएको थियो ।
