एजेन्सी । क्रिकेट विश्वका दुई ठूला प्रतिद्वन्द्वीमध्ये एक भारत र पाकिस्तानले सन् २०२४ को टी–२० विश्वकपमा जुन ९ मा आमनेसामने गर्दैछन् । शुक्रबार आईसीसीले टी–२० विश्वकप २०२४ को पूरा तालिका सार्वजनिक गरेको छ ।
टी–२० विश्वकप जुन १ बाट सुरु हुँदैछ । पहिलो खेल अस्ट्रेलिया र इंग्ल्याण्डबीच हुनेछ । भारतले आयरल्यान्डविरुद्ध खेल्दै विश्वकपको यात्रा सुरु गर्नेछ । जुन ५ मा दुवै टोली न्युयोर्कमा आमनेसामने हुनेछन् । तर, फ्यानहरूको नजर भारत र पाकिस्तानबीचको खेलमा टिक्नेछ । भारत र पाकिस्तान पछिल्लो पटक २०२३ को एकदिवसीय विश्वकपमा आमनेसामने भएका थिए ।
भारत र पाकिस्तानबीचको हाई भोल्टेज खेल जुन ९ मा हुनेछ । दुवै टोली न्युयोर्कमा आमनेसामने हुनेछन् । टी–२० विश्वकपको इतिहासमा भारत र पाकिस्तान आठौं पटक आमनेसामने हुँदैछन् । अहिलेसम्म भएका सात खेलमा भारतले ६–१ को अग्रता लिएको छ । पाकिस्तानले पछिल्लो पटक २०२१ को टी–२० विश्वकपमा भारतलाई पराजित गरेको थियो ।
विश्वकपमा भारत समूह ए मा परेको छ । समूह ‘ए’ मा भारतबाहेक पाकिस्तान, आयरल्याण्ड, क्यानडा र अमेरिका रहेका छन् । लिग चरणमा सबै टोलीले एक–एक खेल खेल्नेछन् ।
