काठमाडौँ । नेपाली सुनचाँदी बजारमा आज सुन–चाँदीको मूल्य घटेको छ। बुधबार एकैदिन सुनको मूल्य प्रतितोला एक हजार दुई सय रूपैयाँ घटेको नेपाल सुनचाँदी व्यवसायी महासंघले जनाएको छ ।
आज छापावाल सुन प्रतितोला एक लाख १८ हजार दुई सय रूपैयाँमा कारोबार भईरहेको छ । मंगलबार छापावाल सुन प्रतितोला एक लाख १९ हजार चार सय रूपैयाँमा कारोबार भएको थियो ।
यस्तै, बुधबार तेजाबी सुन प्रतितोला एक लाख १७ हजार छ सय ५० रूपैयाँमा कारोबार भइरहेको छ । हिजो तेजाबी सुन प्रतितोला एक लाख १८ हजार आठ सय ५० रूपैयाँमा कारोबार भएको थियो ।
त्यसैगरी, बुधबार चाँदीको मूल्य पनि घटेको छ । आज चाँदी प्रतितोला १५ रूपैयाँले घटेर एक हजार चार सय रूपैयाँमा कारोबार भइरहेको महासंघले जनाएको छ।
