अयोध्या । अयोध्याको राम मन्दिरमा रामललाको प्राण प्रतिष्ठाको प्रक्रिया पूरा भएको छ । श्रीरामको मूर्ति पहिलो पटक देखिएको छ । यसअघि मोदीले मन्दिरको गर्भगृहमा पुगेर प्राणप्रतिष्ठा पूजाको शपथ लिएका थिए । त्यसपछि पूजा सुरु भयो ।
प्रधानमन्त्रीले रामललाको आँखाको पट्टी हटाएर हातमा कमलको फूल लिएर पूजा गरेका थिए । रामलला पीताम्बराले सजिएको छ । हातमा धनु र बाण लिएर बसेका छन् ।
भारत र विदेशबाट धेरै पाहुनाहरू आएका छन् । जसमा संघ प्रमुख मोहन भागवत, पूर्व राष्ट्रपति रामनाथ कोविन्द, पूर्व उपराष्ट्रपति वेंकैया नायडू, मुकेश(नीता अम्बानी, गौतम अडानी, अमिताभ बच्चन, रजनीकान्त सामेल छन् ।
प्रधानमन्त्री नरेन्द्र मोदी बिहान १०ः२५ बजे अयोध्या पुगेका थिए । आरतीको समयमा सबै पाहुनाहरूले घण्टी बजाउनेछन् । सेनाको हेलिकप्टरबाट अयोध्यामा पुष्पवृष्टि गरिएको थियो ।
सोमबार बिहान मंगल ध्वनीबाट कार्यक्रमको सुरुवात भएको थियो । बिहान १० बजेदेखि १८ राज्यका ५० वटा बाजा बजिरहेका छन् । अभिषेकपछि प्रधानमन्त्री नरेन्द्र मोदीले मन्दिर निर्माण गर्ने मजदुरसँग भेट गर्नेछन् । त्यसपछि उनी कुबेरटिलामा गएर भगवान शिवको पूजा गर्नेछन् ।
