एजेन्सी । धनुषको हालै रिलिज भएको फिल्म ‘क्याप्टेन मिलर’माथि कथा चोरेको आरोप लागेको छ । अरुण माथेश्वरन निर्देशित यो फिल्मलाई तमिल लेखक तथा अभिनेता वेला रामामूर्तिले यस्तो आरोप लगाएका हुन् ।
आफ्नो तमिल उपन्यास र कविताका लागि परिचित भेलाले ‘क्याप्टेन मिलर’ उनको उपन्यास ‘पट्टाथु यानाई’ को प्रतिलिपि भएको दाबी गरेका छन् । उनले विना अनुमति उपन्यासलाई मिलाएर फिल्म बनाएकोमा निर्माताको आलोचना गरेका छन् ।
एउटा तमिल पत्रिकासँग कुरा गर्दै वेलाले भने, ‘यो फिल्मको कथा मेरो उपन्यास ‘पट्टाथु यानाई’ मा आधारित छ । म यो चोरीको न्याय चाहन्छु । तमिल फिल्म इन्डस्ट्रीमा इमान्दारिता छैन । म यो मुद्दा तमिल सिनेमा निर्देशक संघमा लैजानेछु । मलाई आशा छ कि फिल्म निर्माता भरतिराज सरले मलाई न्याय दिनुहुनेछ ।
फिल्म ‘क्याप्टेन मिलर’ मा धनुष फरक अवतारमा देखिएका छन् । फिल्मको कथा स्वतन्त्रतापूर्वको समय हो । यो ‘क्याप्टेन मिलर’ नामक व्यक्तिको कथा हो । उनी पहिले ब्रिटिस आर्मीका सिपाही थिए तर उनले आफ्नो गाउँमा लुकेको खजाना लुट्न चाहने अंग्रेजहरूबाट आफ्ना गाउँलेहरूलाई बचाइरहेका छन् ।
