एजेन्सी । अन्तर्राष्ट्रिय क्रिकेट काउन्सिल (आईसीसी) ले सन् २०२३ को लागि ओडीआई टिम अफ द इयर घोषणा गरेको छ । भारतलाई एकदिवसीय विश्वकपको फाइनलमा पुर्याउने कप्तान रोहित शर्मालाई टोलीको कप्तान बनाएको छ ।
भारतबाट कुल ६ खेलाडीले स्थान पाए भने विश्वकप विजेता अस्ट्रेलियाका ट्राभिस हेड र एडम जाम्पा रहेका छन् ।
भारतका विराट कोहली, शुभमन गिल, मोहम्मद शामी, मोहम्मद सिराज र कुलदीप यादव पनि टिम अफ द इयरमा परेका छन् ।
यस्तै न्युजिल्याण्डका डेरिल मिचेल, दक्षिण अफ्रिकाका हेनरिक क्लासेन (विकेटकिपर) र मार्को यानसन रहेका छन् ।
