काठमाडौं । बलात्कार आरोपमा नेपाल प्रहरीका पूर्वप्रहरी नायब निरीक्षक (सई) पक्राउ परेका छन् । पक्राउ पर्नेमा पूर्वसई अनिरुद्र यादव रहेका छन् ।
पुस १७ गते कोठामा आएर जबरजस्तीकरणी गरेको भन्दै पीडितले जाहेरी दिएपछि उनलाई जिल्ला प्रहरी परिसर काठमाडौंले पक्राउ गरेको हो ।
आमा घरमा नभएका बेला बेलुकी ८ बजेतिर कोठामा आएको र आमालाई एसिड छ्यापेर कुरुप बनाइदिन्छु भन्दै धम्की दिएर करणी गरेको पीडितले जाहोरीमा भनेकी छन् ।
घटना भएको दोस्रो दिन पनि बन्दुक देखाएर पुन: करणी गरेको पीडितले बताएकी छिन् । पूर्व सई यादवले भने इन्कारी बयान दिएका प्रहरीले जनाएको छ ।
यसबारे आवश्यक अनुसन्धान भईरहेको प्रहरीले जनाएको छ ।
