एजेन्सी । दिल्ली क्यापिटल्सविरुद्धको जितसँगै मुम्बई इन्डियन्सले आईपीएलको १७ औं सिजनमा आफ्नो जितको खाता खोलेको छ ।
आइतबार वानखेडे रंगशालामा भएको खेलमा मुम्बई इन्डियन्सले बलियो प्रदर्शन गरेको थियो । पहिले ब्याटिङ गरेको मुम्बईले २० ओभरमा पाँच विकेट गुमाएर २३४ रन बनाएको थियो ।
जवाफमा दिल्ली क्यापिटल्सले आठ विकेट गुमाएर २०५ रन मात्रै बनाउन सक्यो । मुम्बईले २९ रनले जित्दै इतिहास रच्यो ।
योसँगै मुम्बई इन्डियन्सले टी–२० क्रिकेटमा आफ्नो १५० औं जित दर्ता गरेको छ । अहिलेसम्म विश्वको कुनै पनि टोलीले यो गर्न सकेको छैन । यो सूचीमा चेन्नई सुपर किंग्स दोस्रो स्थानमा छ जसले टी–२० क्रिकेटमा १४८ खेल जितेको छ । यस्तै भारतीय क्रिकेट टोली १४४ खेल जितेर तेस्रो स्थानमा छ ।
टी–२० क्रिकेटमा सबैभन्दा धेरै खेल जित्ने टोलीहरू:
मुम्बई इन्डियन्स – १५०
चेन्नई सुपर किंग्स –१४८
भारतीय टोली – १४४
ल्याङ्कशायर – १४३
नटिङहमशायर – १४३
