काठमाडौँ । सत्तारुढ दल नेकपा एमालेको सचिवालय बैठक बसिरहेको छ ।
पार्टी कार्यालय च्यासलमा केहीबेर अघि बसेको बैठकमा मुख्य तीन वटा विषयमा छलफल भइरहेको छ ।
बैठकमा वैशाख ८ र ९ गतेका लागि बोलाइएको महाधिवेशन प्रतिनिधिको बैठकको तयारी विषयमा छलफल जारी छ ।
गोदावरीमा बस्ने परिषद् बैठकमा करिब २ हजार ५ सय सहभागी हुने छन् । बैठकमा ६ वटा दस्तावेज पेश गर्ने तयारी एमालेको छ ।
त्यस्तै बैठकमा वैशाख १५ गते इलाम र बझाङमा हुने उपनिर्वाचन र पछिल्लो राजनीतिक घटनाक्रमका विषयमा पनि छलफल हुने छ ।
