काठमाडौं । इङ्लिस प्रीमियर लिग फुटबलको उपाधि होड रोमाञ्चक बनिरहेको अवस्थामा लिभरपुल भने पराजित भएको छ ।
भर्खरै सम्पन्न खेलमा लिभरपुल घरेलु मैदानमै क्रीस्टल प्यालेससँग १-० गोलले स्तब्ध बनेको हो । खेलको १४ औं मिनेटमा एबेरेचि एजेले गरेको गोल नै प्यालेसको जितमा निर्णायक गोल बन्यो ।
यो हारसँगै लिभरपुल तेस्रो स्थानमा पुगेको छ । लिभरपुलको ३२ खेलबाट ७१ अङ्क छ । प्यालेस भने ३३ अङ्कसहित १४ औं स्थानमा छ ।
केहिबेरमा आर्सनलले एस्टन भिल्लासँग प्रतिस्पर्धा गर्दैछ । ७१ अङ्कसहित दोस्रो स्थानमा रहेको आर्सनललाई शीर्षस्थानमा उक्लिने अवसर छ ।
